فزعة العاشق

من طرف **نبض المشاعر** الجمعة أبريل 24, 2009 8:12 pm

تعال ارجوك اسمعني ... وش اللي صار بغيابك --

انا في غيبتك عني كثير الهم طاويني --

تعال ابطلق الدمعه على صدرك وباسبابك --

عجزت القى بعد صوتك دفى ليل يواسيني --

تعال ارجوك يالغالي وقف صوتي على بابك --

يناديلك دخيل الله دخيلك بس يكفيني --

تحريتك تجي شوق .. تضم الروح باهدابك --

تجيبك "فزعة العاشق" وكلمة "لا تخليني" --

عطاشا قلوبنا تبكي فراق صابها وصابك --

بديرة ليلة الفرقى حبيبي من يعزيني --

تهب الريح .. تجرحني .. تبعثرني على ترابك --

وعطر قد سكن روحي على دربك يوديني --

قصيدي كل ما تطري على باله وبعتابك --

يسولف للورق عنك قلم حسّاس بيديني --

تعال اشرح على قلبي .. وزيد بقسوة عتابك --

أبيك بقربي .. تفرحتي .. وتزعلني .. وتراضيني --

واذا ما جيتني عاني ولا كان الولع جابك --

من اقصى الشوق بضلوعي بأجيلك يا نظر عيني --

بأجيلك يا فرح عمري بكل احسّاس هلاّ بك --

على نفسي أبي أضحك وأقول انك "تناديني" ------