ورق العنب

بسم الله الرحمن الرحيم

السلام عليكم ورحمة الله وبركاته

اللي مدمنات ورق عنب مثلي وتبيه يخلص باسرع وقت
لكم اسرع ورق عنب احب اني افيدكم لو بشي بسيط
واتمنى انه يعجبكم بدخل عالطول في المقادير والطريقه
نحتاج الى شين اساسيين في هالطبخه الاول قدر الضغط والثاني شبكه الحديد وهذي صورة

علبة ورق عنب وافضل شي بالنسبه لي العلالي

الحشوه وهي عباره عن / رز مصري مسلوق نص استواء / بقدونس مفروم / طماطم مقطع مكعبات صغار / بصل مقطع صغار /نعناع طازه مفروم او يابس / والتتبيله ملح/وملح ليمون/زيت زيتون/ بهارات /فلفل اسود/بصراحه انا مااتقيد بمقادير معينه حسب النظر والطعم وتقلب وتطلع به الشكل

ونبد عملية لف ورق العنب بالاله وهذا بعد مالفيتها

انا بصراحه كنت ناويه افرزنها بس بنيتي الله يهديها اصرت الا اسويلها وبصراحه سويت كم حبه علشانها والباقي فرزنته علشان عندي مناسبه بعد كم يوم
تاخذين ورق العنب الملفوف وتصفينه بشبك القدر صف عادي

بعدين تحطين بالقدر مويه عاديه لحد الربع وتحطينه على النار وتحطين الشبك في وسط القدر طبعاً يكون له مكان لتثبيته

وترشين عليه كاس مويه وحبتين ماجي مخلوطه مع بعض

بس انا حطيت نص كاس وحبة ماجي لان الكميه قليله مره ذواقه لبنتي

وتسكرين القدر وتخلين القدر على النار العاليه لحد ما تسمعين الصفيره بعدها وطي على النار وبس بعد 20 او 30 دقيقه

افتحي القدر وتمتعي باحلى ورق عنب صحي وسريع

والافضل انك تخليه مغطاء بالقدر لين يبرد علشان مايسود اتمنى تكون الطريقه سهله وواضحه وانا بصراحه بعد ما يستوي ويبرد احطه بعلبه بلاستيك واصب عليه شوي زيت زيتون وقليل من المرقه اللي بقت بالقدر واسكر العلبه واحطها بالثلاجه لوقت التقديم يعني لو تصلحينه قبل بليله عادي علشان يصير يلمع ويفتح النفس..................