شوفت الواد العريس لالا شوفت البت العروسة

من طرف **ASLAF** الإثنين ديسمبر 15, 2008 12:06 am

ايه يا جماعه ده فى ناس كده لحد دلوقتى الطبيعى اننا بنروح الفرح نشارك العريس والعروسه فرحتهم لكن المعنى اختلف خاااااااااالص الايام دى تعالوا نشوف ايه الى بقى يحصل فى الافراح بقى والحوارات الجانيه الى بتحصل من المعازيم كتر خيرهم هههههههههههههههه
شوفتى العروسه ....
- امممم ... قزعه .... وعريسها طويل .... شبه رقم 10

او
- شوفتى العريس ؟؟؟؟
- اه يا بنتى دا شكله استغفر الله العظيم ... انا عارفه رضيت بيه ليه ؟؟؟
- يابنتى غنى ومعاه فكه طرشه
- ياااااااااااه بجد ؟؟؟
- اه دا سافر وجه ومعاه قرشين وكمان اهله اصلا اغنيه .... ابوة كتبله عمارة باسمه
- اوعدنا يارب .... طبعا خدته على فلوسه ....

او
- ايه دا ؟؟؟
عندك حق ... القاعه ضيقه اوى والعروسه مكياجها زيادة والعريس تحسى انه مش فرحان

او
- دا اكل فرح دا ؟؟؟؟
- يابنتى بخله .. عالم جلدة ... طيب كانوا بيعزموا الناس ليه ....؟؟

او
- شوفت صحبك ؟؟؟؟
- ابن التيييييييييييييييييت .... خد بنت موزة .... انا عارف لاقها فين دى ...... والله خسارة فيه .....
وبعد شهرين طبعا بيحصل طلاق

او
او
او
الاوات كتير صراحه ..... وكل شويه تلاقى كلام وحسد وقر وحاجات غريبه .... دا غير النفاق والكدب طبعا

وطبعا اصحاب العريس رايحين مخصوص علشان يأنتموا مع اصحاب العروسة
مش رايحيين يجاملوا صاحبهم طبعا

وطبعا اصحاب العروسة رايحين علشان يلقطوا رزقهم ويطلعوا بعريس الهنا من هناك
...............

عايزين نعرف دلوقتي

نفسكوا تعملوا فرح؟؟؟ ازاى ؟؟؟؟ وفين ؟؟؟

طيب انتوا عملتوا فعلا ؟؟؟؟ حصل ايه ؟؟؟؟
يالا بقى الى حصل معاه موقف زى ده سواء ليه او لحد من اصحابه يبعت ويقولنا

من طرف **السكون الصاخب** السبت يناير 17, 2009 6:47 pm

الله لا يقولها

تشكري ع الموضوع

شوفت الواد العريس لالا شوفت البت العروسة

شوفت الواد العريس لالا شوفت البت العروسة

رد: شوفت الواد العريس لالا شوفت البت العروسة