رجعتى والندم دمعه

نسيتك من زمان ٍ فات وش اللي جابِك وردكِ


....................... صدوق اللي يقول ان الليالي دوم دواره

وش اللي ذكّركِ فيني تجين وتمدين لي يدك
....................... ترى مليت من كثر الخداع ولعبة ادواره

تبيني .. وش تبين فيني وأنا ماني على قدكِ
....................... كلامٍ جرّح الخاطر ذكرتيه بآخر زياره

غريبه دنية العاشق تخّيلي صرت انا ضدك
....................... تخيّلي هالغلا كله نسيت وطاح مقداره

رحلتي عن رجا عمري ودمعِك مارقى خدك
....................... رجعتي والندم دمعٍة تفيض بعينك أنهاره

سألتي عن غلاك اللي طعنتي وارتوى حدك
....................... جريح وما برى ضيمه وهذي آخر اخباره

أعرفك حيل لكنك نسيتي بالحشا ودك
....................... صدق من قال مايطرب ليالي الحي زماره

تركتك والسبب غلطه وعيبك جات من جدك
....................... ترى يابنت به سدٍ تهدم والسبب فاره

سؤالٍ فزّ به قلبي وش اللي للغلا شدك
....................... وانا مالي سوا قلبٍ كتب من حزنه أشعاره

تساوت
تساوت
تساوت عندي الدنيا حضورك او قسى صدك
....................... لعنت الحب من بعدك عساها تكون كفاره

سلامتكم

__________________